مواري العبرة

أبكي على من خذا قلبي وخلاني

وحيدةٍ للسهر والهم والحسرة

من كثر شوقي لشوفه حيل عنّاني

وبانت على ناظري مواري العبرة

وأهديت له من قصيدي عذب الالحاني

وأغليه ما ودي آبيعه ولا آخسره

الغالي اللي فراقه هزّ وجداني

لازلت أبا اصبر على غيباته وهجره

وابا اعتبر جيته لي موقف انساني

حتى لو اني لمحته ياعرب نظرة

تركت لاجله شيوخ القوم من داني

وبقلب مظنونته ما ينوصف قدره

- حمدونة