شاعر وأكثر من صورة

صبر

صابرٍ واخفي على الناس حزني لايبين

خايفٍ ان الناس من نقص حالي ينشدون

ما لقيت اذل واسحى من الشخص الحزين

يحسب ان الناس باللي حصل له يفهمون

**

مرجلة

ليا هانت الرفقه على قاصر الذرعان

علينا ترى رفقة هل الطيب ما هانـت

نحب الوفا ونرد الاحسان بالاحسان

و لا شانت انفسنا لو ايامنا شانـت

**

ناس وناس

يا أكم عرفت من الاوادم وصادقت

ويا كبر فرقٍ بالاوادم لقيته

احدٍ اليا منّي ذكرته تضايقت

واحد اليا منّي تضايقت جـيته

**

تعامي

ما كنّي أشوفه و لا كنّي أبغيه

أكابر شفوف الهوى و آتعامى

بس الحقيقة خاطري ميتٍ فيه

و اشد و أصدق من شعور اليتامى

- سالم المري