هذا الحب !!

حُب هذا الحب والا جروح

وكل جرحٍ ما لقى نزفه

ضيقه وحيره تجي وتروح

ذنب تافه واعتذار اتفه

حب؟ طيّب والسهر والنوح

والكلام اللي خذل حرفه

والوداع وصوته المبحوح

والغياب اللي يجي صدفه

حب يعني روح تشبه روح

وانت تشبه شي ما اعرفه!

كم بنينا مْن الحنين صروح

من وله من شوق من لهفه

يوم وردك لا حكيت يْفوح

ويوم انا مشغول في قطفه

كان شرفه.. وانتظار.. وبوح

صار وردٍ طاح من شرفه

- الشاعر: علي الضوي