نهضة وطنَّا
في كل عام يروح ضيف ويجينا
ونشوف ذكرى المجد في كل حارة
فيه ابتدت نهضة وطنّا الحصينا
ونهاية سنين الجهل واندحاره
ثمانين عام انجاز واربع سنينا
لبلادنا اللي دائما بالصدارة
يوم الوطن ذكرى عزيزه علينا
ذكرى تذكّرنا ابّاني الحضارة
عبد العزيز اللي بنى واعتلينا
صقر الجزيرة والبقا في حرارة
في كل عهدٍ ما هم مقصرينا
واليوم شوف ابراجها والتجارة
في ظل عبد الله اسد العرينا
مليكنا اللي ما تغيّر مساره
للشعب مثل المسك والياسمينا
العادل اللي نفتخر في وقاره
وبظل سلمان الشجاع الامينا
ابو فهد وال العهد والوزارة
رجل الدفاع ارجاله مسلحينا
بالعلم والايمان عن كل غارة
اهو واخوه سيوفٍ مجربينا
يمين ابو متعب ومقرن يساره
ولي ولي العهد ذرب اليمينا
كفو المناصب حازها في جدارة
ال السعود صقورنا الحاكمينا
عز البلاد ونصر كلمة شعاره
تبقى وطنا ذخر للمسلمينا
ياارض المشاعر والوفاء والطهارة
بارواحنا نفداك في كل حينا
واللي يجي حدّك نعجّل دماره
- الشاعر/ عبد العزيز بن علي الرديفاني المطيري
