يوم الوطن.. يوم الوفاء

يا مزنة الافراح هلّي، وجودي

جودي حبور، وفخر، واعزاز، واحساس

يوم الوطن.. يوم (الوفا) يالسعودي

قم.. قام حظك، واحتفل، وارفع الراس

قم زيّن الساحة وناظر سنودي

عرس الوطن ما تشبهه كل الاعراس

ما احدٍ يلومك غير (خبلٍ) حقودي

فكره سقيم، وداخل الصدر وسواس

الشعب من (رفحا) ليا ارض (الثمودي)

في شور (ابومتعب) مقابيس واقواس

ذولا بني عمٍّ، وذولا عضودي

وذولا دروعٍ للوطن لو حصل باس

أنا سعودي ما اتعدّى حدودي

لكن في يوم الوغا قاسي الباس

من مولدي لين اعتزل في لحودي

أشرب شموخ، وعز نفسي لي لباس

وليا وعدت آموت واوفي وعودي

بالفعل ماهو بس حكيٍ بقرطاس

درسٍ شربته من مناهل جدودي

واعتزّ فيه اليا انكروه اهل الافلاس

- محمد الشهري