نصر اخو نورة

دار ياللي بحكم الله معمورة

ثم باللي سعوا لك تحت واليهم

مر ركب الزمان وللزمن دورة

وذكرتهم ليال اليوم ماضيهم

يوم فتح الرياض ونصر أخو نورة

ويوم وردت على المصمك هناديهم

ناض برق السيوف وشاقني نوره

وهيضوني هل العوجا بعزاويهم

ردد طويق صوتٍ عانق صخوره

وسال بمرودنات العز واديهم

علّ يمنى تهاب السيف مكسورة

وعل نفس جفاها الفخر تفديهم

دارنا من قديم الوقت منصورة

وربعنا ما نسوا يومٍ مباديهم

- الامير بدر بن عبد المحسن