قراء ومتابعو «مدارات شعبية» يحسمون التباين في موقف الأجيال من شعر الغزل

في أبيات من الشعر متبادلة بين الشاعر سهل بن بندر المقاطي، و الشاعر سعود بن بدر المقاطي، كان هناك اختلاف في وجهات النظر.. فهل استطاع الشاعر سعود المقاطي إقناع الشاعر «أبو بندر» بوجهة نظره، هذا ما سيحسمه قارئ ومتابع «مدارات شعبية» الكريم برأيه المحايد..

يقول الشاعر سهل بن بندر المقاطي:

شعر الغزل يا سعود ما عاد نبغاه

خله لناسٍ توهم مبتدينه

كيف أتغزّل فيه واذكر مزاياه

وانا سنيني ضعف عدِّة سنينه

من جاوز الخمسين ماهوب ويَّاه

الله على باقي زمانه يعينه

فأجابه الشاعر سعود بن بدر المقاطي:

الخال عن شعر الغزل كفّْ يمناه

يقول خلّيته لمن مهتوينه

وانا أحسب الشاعر ولو جاه ما جاه

قلبه خضر ويجاوبه في حنينه

ما قلّت عزومه ولا قصرت خطاه

والخال حنَّا كلّنا خابرينه

لو قال درب الحب ماني بويّاه

أظن ما ودّه يبيّح كنينه