تكفون مروا بي على دار خلي
تكفون مروا بي على دار خلي
خلوني ابكي واتعبر و اهله
واصيح واشهق والبكا عادة لي
وامش دمعي في طرف طرحةٍ له
لاشفت زوله صاح كلي بكلي
ثم قمت اشاهق والبكا فدوةٍ له
لاواعذابي تلني الحب تلي
وعزي لحالٍ مثل حاله تتله
إلى هجرت الشوق ياهيه من لي
غيرك يجاوب صوت من جاه علة
يازين قل لي عن عنا الوقت قل لي
ماقد عطاني من حنانيه لله
امنول لاجيت احطك بظلي
واليوم صديته ولا لك بظله
إلى ذكرتك صاح قلبي يهلي
ياويل ويلي دامع العين هله
من فرحتي بك راح دمعي يهلي
فوق الوجن دمعه ,,ودمعه تهله
ياني أودك بس ليتك تطلي
حتاك تدري عن حياة المذلة
إلى لمحت الصورة اللي بحلي
برقت فيها والهوى فش غله
ياهيه ماترحم خفوقٍ مولي
مجروح من عامين ما احدٍ فطن له
ارجوك مر اليوم قاصد محلي
حتاك تدري الحب حلحل محله
إن كان طحت وصاحبي ماحصلي
افٍ على الدنيا وافٍ بكله
خوذوا كفن حبي على شان خلي
ودوه له ياناس و دوه بالله
- حمد الدعيج ( نديم كميت)
