لا بد ما يرحل

العمر يفنى والليالي سريعه

والوقت ماهو للمخاليق دايم

والآدمي لو عاش باحلا ربيعه

لابد مايرحل ويصبح رمايم

يالله بعفوك ياعظيم نطيعه

رحماك يامجري هبوب النسايم

لا قالو ان النفس عندك وديعه

لطفك وتدري بالذنوب الجسايم

عشنا وشفنا بالزمن والطليعه

عجايب الدنيا تزيد العظايم

احد يجي ذكره براس الرفيعه

واحد ماهوب لمنهج الطيب رايم

واللي بذل جهده بما يستطيعه

وبطاعة المعبود والخير قايم

يكسب رضا ربه ويحسن صنيعه

ويعيش ما لحقه من الغير لايم

- نواف بن محمد الصخابره