دموع الندم

كابرت.. كابرت حتى جت على راسك

تستاهل أكثر من اللي جاك وزياده

ما قلت لك لا تطاوع في الهوى ناسك

ما كل قلبٍ يودّك صادق وداده

توك تحس بخطاك ولوعة احساسك

توّك تقدّر غلاي وتفهم أبعاده

من بعد ما ذقت طعم المر من كاسك

من بعد طول السهر والليل وسهاده

خلِّه يفيدك عنادك واعرف قياسك

القلب ما أنت لا خلِّه ولا مراده

أذرف دموع الندم لو تحرق أنفاسك

تعوّد الصبر مثلي لين تعتاده

من قسوتك من عذابك من عظم باسك

قسيت يمكن عليك أكثر من العاده

قعدت أذلّك واصغّر بالهوى راسك

يا ظالم الحب وآخذ حقي زياده

الشاعر: فيصل العبدالله الرشيد (الحيران)