وين أنت يا عمري

وين انت يا حبر القلم يا جديدي

وينك على خدي من الدمع عبرات

ماشفت كيف الحظ الاقشر عنيدي

وامسيت في صدري من الهم ونَّات

كسير قلبي بعد فرقا عضيدي

فارقته وعمري غدى بعدها شتات

فارقت ملهمني عذوبة قصيدي

اللي نظمت لخاطره كل الأبيات

وين انت يا عمري ويا شمس عيدي

بعدك سنيني فارقتها المسرات

تعال حررني من احزان قيدي

خل الفرح يملا جميع المدارات

تعال زاد الشوق واجدب وريدي

ياللي دروبي دون وصلك متاهات

احتاج لك في ميلتي تمسك ايدي

لا مالت ايامي ووقت الفرح فات

الشاعرة: ضي الفكر