لوحة

تفرق الغيم عن راسي وأنا ما شربت

ما بل قلبي بماه ولا أرتوى وابله

قد شدني لمع برقه بالسما وانجذبت

ظميان والروح من كثر الظما ذابله

ياحارس التيه أنت بصفحتي وش كتبت

اللي قضيت العمر كله وأنا أعابله

لو ما يقولون عليت البكا وانتحبت

بس بيقولون مجنون.. الهوى هابله

البارحة كنت أحس أني كثير اقتربت

واليوم أبعد وياخوفي من القابله

ابطلب العذر سامحني حبيبي تعبت

واببتعد عنك لو نفسي مهي قابله

عاشرت أنا الصدق في دربي واظني كذبت

مره.. وطاح القمر فالليله الحابله

ما أقول أنا الشعر لكني أقول ان ذهبت

بيذكر الشعر في النسيان من غاب له

- سعد الحريّص