Thursday 07/08/2014 Issue 15288 الخميس 11 شوال 1435 العدد

حديث النفس

Fatal error: Theme CSS could not load after 20 sec. Please download the latest theme at http://galleria.io/customer/.

يا حديث النفس وش عاد باقي لك تقول

كل كذبه قلتها لي وانا صدقتها

كل ساعة وانت في عقلي الباطن تجول

ترسم الآمال عندي ولا حققتها

يا حديث النفس مالك محطه للوصول

صفحة التاريخ في خاطري شققتها

لو شرحت الوضع شرحك على مثلي يطول

والجروح اللي دواها معك عمقتها

لك مؤشر يستحي كل ما حل النزول

لين حالات الشقاء والحزن رافقتها

ترسم الاحلام في ليل مضميه الذهول

سقت لي فنجال حسراتك اللي ذقتها

كل ما قلت انتهى الحب دنا لي رسول

ذكريات الماضي اللي زمان احرقتها

وانزوى في عالم اللوم بارك للحمول

ما سبقت الريح بالفكره اللي سقتها

وارتكى في خاطري هم عرض وهم طول

والدروب اللي وسيعه علي ضيقتها

مهرة الأفكار في راسي القاسي جفول

ما توديني على مطلبي واعتقتها

ما تعلمت النذاله ولا دق الطبول

كلمتي بالحق بيضاء لهم وثقتها

راقي التفكير ماهمني هرج الخبول

والمراجل شوقتني وانا شوقتها

ما شربت الكاس وارخيت راسي للجهول

تمرق الكلمه بسمعي ولا دققتها

عن كلام العي حطيت في سمعي قفول

والمبادي في حياتي كذا طبقتها

لي مع الايام وقفه عساها ما تطول

كل ما جتني تبي عزتي غلقتها

ارتفع يم الثريا الى شفت العذول

والشراره قبل ما تنتشر طوقتها

وردة الأحلام فيها علامات الذبول

فارقتني روح روحي وانا فارقتها

الشاعر: ناصر القزلان