ولا ودي أفصح

شعري ليا قلته تبيّنت كلي

ولا ودي أفصح عن خوافيّْ وأقول

هاك المشاعر لو بعضها تسلّي

أخاف منها واتحاشى على الطول

ما ادري جزاً للقاف والاِّ جزاً لي

صر القلم بالطرس واخليت ما هول

أخليت ما هولن ولا هو هونلي

لكن على العبره دلايل ومدلول

بنات فكري دام قلبي يهلّي

هلا بكن راحه وراحه وهملول

إمشن على مدلول قلبي رضنلي

حب وكرامه من عن الحول للحول

مثل الضلوع اللي بصدري حمنلي

قلبٍ على الله يتكل مارجى زول

وشيءٍ ما هو لله جعله يولّي

ويالله تحفظني عن الهم والهول

لله سبحانه خضوعي وذلِّي

الواحد اللي عنده العفو مأمول

ذكره يوسع خاطري وأسفهلّي

يالله عسى قلبي بالإيمان منزول

الشاعر - حمد الأسعدي