مني عليكم ياهل العوجا سلام

مِنِّي عليكم ياهل العوجا سلام

واختص ابو تركي عَمَاعين الحريب

يا شيخ باح الصبر من طول المقام

يا حامِي الوَنْدَات يارِيْف الغَرِيْب

اضرب على الكايد ولا تَسمع كلام

العز بالقَلْطَات والرَّاي الضِّلِيْب

لو ان طِعِت الشوَّرَ يالحِرِ القَطَام

ما كان حِشْت الدار وَاشْقَيْت الحَرِيب

* * *

أكرم هل العوجا مَدَابيْس الظلام

هم دِرْعِك الضَّافِي إلى بار الصِّحِيْب

عينك الى سهرت يعافون المنام

غِشِ لغيرك وانت لك مِثْل الحَلِيْب

لي عَسْكَر البارود واحمر القتام

وتلافَحَت باذيالها شِهْب السَّبِيْب

والله ما يَجْلى عن الكبد المَلام

إلا المَوَارِت يوم ياتي له نَحِيْب

ومُصَقَّلاتِ كِنِّها نَوْض الغمام

بحدودها نَفْرِق حبيبِ من حبيب

- الشاعر: محمد بن عبدالله العوني