ود واشواق

احتضر وازرع دروبك فل وزهور ونفل

احتضر واملى خفوقك باسمى انواع الغرام

ذبت كلي في غرامك واستوى مر وعسل

لين صارت كل طعنه منك لذات وهيام

لين صارت كل زله منك آلام وامل

لين صار الجرح منك أغلى اهداء ووسام

يا حبيبي حس فيني واسمو عن درب الجهل

عجزت عيوني تحرى نورك بوسط الظلام

لواقول انك حبيبي الدمع من عيني نزل

لو بقول انك عدوي صاحت عيوني حرام

لو بغمض عنك عيني في خفوقي لك محل

لو بناظر يم غيرك مالقى فيني اهتمام

لو اقول الدرب دربك بنهل احزاني نهل

لو اقول اترك دروبك ضاع خفاقي وهام

يا غرامي يا وليفي يا وحيدي لاتزل

ودي تحييني بعروقك واسكنك اغلى مرام

لو تحس بجرح قلبي لو ترى دمعٍ همل

كان تسقيني سنينك ود واشواق وغرام

- الشاعرة/ تهاني التميمي “الأسمى”