أخايله وارجى الله

أشوف نو» من البارح نواشيه

تردم مزونه ولاسبل سحابه

كم قلت لاناض برقه عز واليه

متى طهاه يتعزل من ربابه

اخايله وارجى الله قبل ما ارجيه

والحيل ماعاد به عزم وصلابه

يالله يالله ياعالم بمافيه

افتح لدعواي باب الاستجابه

عبدك ومافيه من ماجاه راضيه

اغفر ذنوبه و يسرله حسابه

المرقب اللي زمانٍ فات اعديه

ومع دمعة العين له و صل وقرابه

ماعاد يغري هجوس البال طاريه

من دونه البيد زاملي سرابه

اسوق رجلي ولا وصلت حراويه

عودت قدام لا تاطا ترابه

العمر يمضي ولا عادت هقاويه

تشبه هقاويه فبداية شبابه

لوكان قلبي قوياتٍ عراويه

الوقت ما راح به ماعاد جابه

- بدر بن ماجد بن عمر بن ربيعان