ما يصح إلا الصحيح

للأسف فينا تعلّمت الجفا

وش تبي على الأقل قول الصحيح

الوفاء هو وين ما عندك وفا

لخفوقٍ عاش في بُعدك جريح

كيف تجفى من معك ودّه صفا؟

صرت في طبعك معي جدًّا شحيح

ماخفاك الود مني ما خفى

كان لك عندي غلا قصره فسيح

البعض مني مع أشواقه لفى

وبعضي الآخَر من أوجاعه طريح

ماكفاك اللي عملته ماكفى

استريح وخل غيرك يستريح

كل طعنة منك جتني بالقفا

وش يفيدك تجرح إنسانٍ نصيح

بالبداية خافقي فيك احتفى

وبالنهاية ما يصح إلاّ الصحيح

- الشاعر/ عبدالله بن حجاج الرشيدي