صندوق الأسرار
يوم التهب بالفكر هاجوس الاشعار
وقامت تحاربني حروف القصيدة
سمعت اوراقي تنادي للحبار
تقول دونك كل صوره فريده
وانا وقفت استجمع افلول الانصار
الوزن والمعنى وفكره جديده
الوزن قايد والمعاني له انصار
والراية احساسي وجرحي مكيده
فتحت للهاجوس صندوق الاسرار
وبينت له كيف النوايا حميده
واطلقت خيل الفكر تمشي وتختار
بين العلوم الوافيات المفيده
وسالتها بالله لا تترك الثار
وجهزتها بجيوش صدقٍ شديده
وبدا النزال وثار بالفكر الاعصار
واستجمع الذكرى وجاب الفقيده
تذكر اللي غاب واخفته الاقدار
وعاشت بعد فقداه روحي وحيده
تعصف بها الفرقا وتلهب بها النار
وتحرق سعادتها همومٍ عديده
وبدا الشعر يرسم تفاصيل الاضرار
والماضي المجروح ينزف وريده
والقصة اللي طوّلت خلف الاسوار
بانت ومعها ضيم عمري تعيده
والحلم ضايع في متاهات الاعذار
والروح تبكي والاماني وحيده
وجيش المشاعر من كثر غربتي صار
يبكي على حظّي ويعلن وعيده
يدوّر الافراح في درب الاسفار
عسى يلاقي طيب لحظه سعيده
ويوم ان بلغ ياسه وضاقت به الدار
وايقن بان الله عدل في عبيده
جر الجيوش ووقف اسهوم الافكار
وختم حديثه بالعلوم المجيده
حول مساره بعد ما ضاق واحتار
وعجز يلاقي في الوغى ما يفيده
- الشاعرة/ البارعة
