شاعر ومتفلسف وراقي

ياخوك مالي ضحكة تجرح شفاي

إلا إذا شفت الضعيف امتقوي!

في هالزمان الدرب موحش ونساي

ماهوب في يدين الخوي والمخوي

ياصاحبي يامسندي داي ودواي

ياجوي اليا كدر العفن جوي

لاتخلي اللي يحسدك في يده راي

سمو ذاتك ياسموي سموي ..

وأنا أنا شفني ليا ثقلت خطاي

امشي واطلع من علوي علوي

تصدق إني من كثر ماأحرق عداي

حتى عدوي مايداني.. عدوي...

واللي يحبوني كثر شعري الجاي

وأنا إذا الله مد لي عمر توي

شاعر ومتفلسف وراقي وهيهاي!

الله جمعهن في يدي ويش أسوي

إبراهيم - الحبيرتي