نبض الحياة

غيابك طال يا نبض الحياة ومنتهى الآمال

عسى جيّتك ماتبطي يـ أول وآخر احلامي

تحريتك وانا القاع اليباس وشوفك الهمّال

وألا ياكم تمنيتك رفيقي ماض الاعوامي

أبيك ولاني لحالي معايه من غلاه لحال

نردد بيننا أسمك وأسمك خير الاسامي

معاي اللي ليا منّي ظميت ومد لي فنجال

شربته وارتوت صحراء الخفوق وعرقها الظامي

عديل الروح لو مال الزمان وعادته ميّال

ركايب حبنا الصادق لعدّه تارد حيامي

أنا ويّاه لعيونك رمينا للوصال حبال

رجانا بالكريم اللي هدانا لدين الاسلامي

عشقنا اسمك قبل رسمك يبين بصفحة الأجيال

متى يشرق ضياء شمسك وتشرق شمس الايامي

تعال وزيّن الدنيا بضحاتك فداك المال

ترى هالكون من دونك أشوفه كبر الابهامي

ولكنّ الرجاء باقي وباقي حبكم مازال

مكانه ثابتٍ حتى أشوفك حي قدامي

- الشاعر/ صالح محمد العنزي