نَرجِسيّة

يالمشاعر اعزفي نبضك وغنّي

واطربيهم باللحون السامريّه

قولي ان العشق من نظرة سكنّي

شي فاق الوصف ما شفنا حليّه

اكتبيني في قصيد الحب لانّي

أعشقه بجنون ليلى العامريّه

سارق احساسي ونبض القلب منّي

في وجوده صارت الاشواق حيّه

مااقول انا واقول إني وإني

بس هذا الحب.. وماسواه فيّه

اشهد إني من عرفته ممتحنّي

لين صار الحب: كيف وشاذليّه

مد لي فنجانها يومه فتنّي

لين طبتي يالليال السرمديه

زان جو الشعر فيه وزان فنّي

وابسط الاوضاع عندي نرجسيّه

- الشاعرة/ روز العبد الله (النجلاء)