بصمات ناعمة

يوم الأحد ليلة الاثنين لي ونّة

أتلها تل دلو البير سقمانة

الله من حنة ياقوها حنّة

جريتها من عروق القلب وجعانة

كني على صالي الوهاج يوم انّه

أحرق فؤادي وصدري نار شعلانة

- معاني الشوق

**

ياحادي العيس لا ناحت مكاتيبي

غن القصايد على روحي وموّلها

غنيت شعري وبانت لك تجاريبي

من كلمة الوقت بعد انه تقوّلها

لا شفت ضيمه وصبري قلت ياطيبي

يرفع لي الناقصه واصبر واحوّلها

- القاسمية

**

اشتقت لك يا حبيبي يا نظر عيني

ولصوتك اللي وحشني.. حيل مشتاقة

وللضحكة اللي من الأوجاع تشفيني

وتشفي خفوقي وتشفي حرقة أشواقه

خذيت حبر القلم من دمعة العيني

وكتبت احبك على الديوان وأوراقه

- نجمة الليل