الغبن قتال

ماني بمن يتبع المعروف بالمنة

ولاني بمن يلحق المقفي سكاكينه

من لا يراقب معاميله حرق بنه

واللي يطول لسانه تقصر يدينه

ما هي على كيف من خطط ولا ظنه

بعض الهقاوي تطيح الراس وتهينه

من يكسب المدح ما عني ولا عنه

والفارس اسرج حصاني في ميادينه

اسمي مع اهل القصايد والادب كنه

شيهان يفرد على العلم جناحينه

قولوا لمن يظهر الونة ورى الونة

الغبن قتال وابواب الردى شينة

مادام منهاجي القرآن والسنة

والشعر طوعي وانا سيد سلاطينه

من حبني ما بنى لي بيت فالجنة

ومن كرهني عساني عود في عينه

- محمد بن حوقان