الرفقة

الرفقة اللي ما وراها محاصيل

ما أنت من أهلها جعل تفداك أهلها

مثلك ما هي تصعب عليه المواصيل

يدعس وعرها ويتوطا سهلها

ما يقطع الفرجات من يجهل الليل

يوم المساري تخلف اللي جهلها

لولا العزم ما صار به فالرجل حيل

والنفس لولا العز ماعاش أملها

الوقت يمشي والليالي مقابيل

والحر مثلك كل قمه نزلها

الحمل يبرك له بليهان وشعيل

وأبكارها تخلي الحمول لجملها

من لا احتمى دون الرجال المشاكيل

جعله فدا ماطا الركاب وزملها

لو كان من مدحك تضيق المهابيل

ذكرك ينومس لابتك لا وصلها

قدرك كبير ولك مكانه وتبجيل

يبطي ضعيف الرابعة ما وصلها

لو المحبة ذود ولها مداهيل

بأنسوق لك من بدها كل بلها

والله ما نرخص وجيه الحلاحيل

وشرواك لي مالت عليه نعدلها

في لازمك يا مسندي نسرج الخيل

ياللي كفوفك ما جهلنا عملها

وأن مرنا طاريك نذبح له الحيل

ومن شانك أنكرم مداين وأهلها

- مانع الوايلي