الواجب الصّبر

خالي مشبب بن مبارك الدوسري فقدناه، الله لا يحرمه من الجنة، إنه على كل شيء قدير.

أتقدم في رثاه بالأبيات التالية:

من مات فقده على أهله ياللَّه الخيره

حقّ بلا شك لازم في القضاءْ حَدِّهْ

الواجب الصَّبر بعد الموت لا غيره

والاّ الدُّعاءْ للمقفَّى يرحمه مَدَّهْ

فقدت خالي جعل ربي يِدِلّهْ

للجنّة الخضراء عساها مكانه

هذا الذي يرجي من الله مَحَلِّهْ

يومه كريمٍ صاحب الجود شانه

الضِّيف لامن جاه ما عاد والله

يروح لين إيْقَدِّمْ إكبار ضانه

من جاه فرحٍ دايماً ما يمِلِّهْ

رحَّبْ وسَهَّلْ وابتجه ما استهانه

اسمه (مْشَبَّبْ..!!) من بغا الطِّيب دَلَّهْ

له سمعةٍ تجذب له إرجال عانه

فالباب مفتوحٍ على جال ظِلَّهْ

ليل ونهارٍ للجماعة إخوانه

ما شفت يومٍ غاضبٍ مزعلٍ لِّهْ

إلاَّ تشوفه ضاحكٍ من ليانه

ولا فيه ذَرَّةْ بخل ولا فيه خِلَّهْ

أوصاف خالي نادراتٍ ميانه

ذا بعضها من كثر جوده مقِلَّهْ

والاَّ لها ما احصي إيْ والله أمانه

تَمَّتْ ومن يعرف ثناءْ راضِي لِّهْ

يدعون له جَنَّةْ إبْفَيضَةْ إحسانه

عبدالله بن حمير آل سابر الدوسري - وادي الدواسر - اللدام