شاعر وأكثر من صورة

مظاهر

الا ياما لفرقى العين الاياما لفرقى العين

يابعد الفرق بين الناس ياخلّاق ياكافي

خطاة الزول صورة يحسب الجمعة ضحى الاثنين

يغرّ الاجنبي زوله وفي ملبوسه الضافي

**

ثقة

وين انت يالصاحب اللي في حفيّ السد ما ثوق

ابدي لك السالفه وتشوف هي حق أو خطيه

واحفظ لسانك ترى البلوى تراقب كل منطوق

ترى البلاوي مركّبةٍ على لفظ الزرية

**

يقين

الطيب يخلق مع قلوب الرجاجيل

ما هوب في بنك التجاره تجارة

والرزق من عند الولي بالتساهيل

ماهوب بالقوّة ولا بالشطارة

**

صبر

يا ونتي منها المعاليق يبّاس

صبري قضى ما باقي إلا قليله

صبرت صبرٍ صابني منه وسواس

صبر له النفس العزيزة ذليلة

- عبدالله اللويحان