راعي الحكي

الشعر والهاجس ضيوف ومعازيب

للواقع اللي طابع الناس هزه

ناسٍ تعرف العيب ما هابت العيب

تحسب بياض الوجه لرجل رزه

ما تدري ان الطيب صعب المشاريب

إلا على اللي قو باسه يعزه

اللي على الكايد قوي المضاريب

سيفا يقص العظم ما هو يحزه

ما يقدره خبلاً عن الواجب يغيب

كديش ما يصلح مع الحصن لزه

شباب والا مالين وجهه الشيب

خله ترى ماله مع الطيب حزه

‏خلك مع الطيب ورافق هل الطيب

رفقة هل الطالات عز ومعزه

عليك بالطيب وخل التجاريب

ترى الردي ما ينفعك لو ترزه

واحذر من اللي ما يعرف المواجيب

لو جاز لك قدام وجهك مفزه

ما دام ماله في المراجل مقاضيب

نفسه عن دروب المراجل تكزه

يعيب خلق الله وكله عذاريب

إبليس لدروب المهالك يوزه

راعي حكي مذهبه شذب العراقيب

لو كان صلى الفرض في كل حزه

- سعد الشقحاء