تفداك عيني وكلي

مرثية في الشيخ فيصل بن غصاب المنديل - رحمه الله رحمة واسعة وأسكنه فسيح جناته ووالدينا وجميع موتى المسلمين.

مرحوم يا فيصل لمن جا يهلي

لوّه مريض يسابقك بالتراحيب

عمي ابوي وياخلف كل من لي

والله عليك جروح قلبي معاطيب

دمعي على فرقاك عجلٍ يهلي

ناره على خدي وفوحه على الجيب

فقدك حرٍ ماكره بمتعلي

ريشه نبت بالنايفات المراقيب

وفقدك روضٍ في خضاره يسلي

ماينزلونه ناقصين المواجيب

مع طيب راسك مستقيمٍ تصلي

يحرم علي مافيك نقصٍ ولاعيب

لو تنفدي تفداك عيني وكلي

لكن قدر بامر الولي عالم الغيب

ياشيخ مثلك يوم اوصّف واحلي

غريب نادر مثله البيض ما تجيب

يالله عساك بجنة الخلد ياللي

ما ضرّ من حوله ولا اقصى الاجانيب

وختامها نضرع لربي نصلي

يجزاك عنا خير ياكاسب الطيب

- غصاب بن منديل بن غصاب