شاعر واكثر من صورة

حقيقة

لو وصلت النجم ترجع للثرى

وكل ما سويت بالدنيا يبين

ساعةٍ فيها القبور اتبعثرى

وانت يا مغرور باعمالك رهين

**

عفّة

النظر يم جاري ما يخيل

ونظرتي ما تلد لجارتي

ما التفت للقصير وللطويل

لو بلمحة ورى نظارتي

**

منظر

ما حلا صوت الرعد في مقاديم الهلل

وزين ضوح البرق تسري عليه بلا نعال

في فياضٍ رمثها ما يشب من البلل

من اخيال اليوم واقبل من المنشا خيال

**

تعويذة

خلها تلعب ومهما تقول اللامزة

من نوتها بالمكيدة تموت بكيدها

عذتها من شر كل العيون الغامزة

وعود الله بالسعادة عليها عيدها

- تراحيب بن سويلم العتيبي