قرّري

تكوني.. قرّري.. أو لا تكوني

أخيره فرصتك.. هذي الأخيره

ولا تقولي نهوّنها وتهوني

ولا تطْوَل وهي اصلاً قصيره

سكوني.. لا أغرّك في سكوني

ترا وقت الغضب تعمى البصيره

انا ما اقوى على خيبة ظنوني

وهقواتي ترا دايم كبيره

طعوني.. ما أفكر في طعوني

ولا تفرِق ولو كانت كثيره

وريح الحب ما تحني غصوني

ولا تكبر وهي بعيني صغيره

عيوني.. ما تكذّبني عيوني

وقلبي فيك ما يعرف مصيره

يا إنّك تقبلي عقلي وجنوني

يا إنّي صدق مالي فيك خيره

- الشاعر/ عبداللطيف بن عبدالله آل الشيخ