ادمح الزله

ادمح الزله قدر ما تستطيع

وصد عن بعض الامور وخلّها

لا تسمّع للحكي ثم من تضيع

خل حسادك تموت بغلّها

والمشاكل لو تجي مع كل ريع

الله اللي جابها ويحلّها

وابتسم واضحك وسولف للجميع

والهروج العوج لا تفطن لها

وخلك لربعك كما الحصن المنيع

والثقيله عن ربوعك شلّها

وقض حاجة من تعنالك سريع

نفعة الطيب تجي في حلّها

والسنافي دايمٍ صدره وسيع

والعلوم الكايده قدٍ لها

والردي ما منه ضر ولا نفيع

يدبل اكبود العرب ويعلّها

شد عن دار المحل يم الربيع

وعز نفسك لا تدوّر ذلها

- الشاعر/ عبيد بن فالح أبو جراح أبوثنين