اكبري يكبر فرح بابا علي

احمد الله مالي الا هو ولي

بك رزقني جل بالقدر وعلا

ياثمر قلبي ويا شمعة هلي

ياحبيبة قلب عادل ياغلا

العمر قبلك من افراحه خلي

واشرقت شمسك وبالنور امتلا

وابتدا صبحي وفارقت زعلي

والحشا من زحمة همومي خلا

عطر حبك صار يملاني ملي

وبالغلا صرتي مع العين عدلا

قلت قبل سنين بالله اقبلي

ويوم جيتي قالت ايامي هلا

وردني شوفك لصغري وجهلي

وصرت انا وياك بالعمر جهلا

بالحلا والملح ما مثلك حلي

والخدود ورود والعين كحلا

ظبية منك الظبا ما تجفلي

ومن يلوم الظبي لو لاخته تلا

اكبري يكبر فرح بابا علي

واملي الدنيا بضحكاتك حلا

- الشاعر/ علي المفضي