شاعر وأكثر من صورة

دعاء

يالله بنو للرعد به زلازيل

ينشي من القبله صدوق خياله

من واحد ما هوب منان وبخيل

ربٍ كريم وكل حيٍ يساله

***

ندم

على ما قيل انا مصباح غيري

ولا سريت نفسي من اخبالي

ولكن الجهل ما فيه حيلة

وقولة ربما والا عسى لي

***

انكاف

يوم اني اقنص وبارودي على متني

وانا تراي آخذ الشوكة بمنقاشي

واليوم صديت والأيام صدتني

ما عاد لي بالهوى ومتابع اللاشي

***

تفضيل

قالوا عشيرك يا ولد وش زوده

وش نفّله بالزين عن تلع الارقاب

من قولهم تو النظر به نعوده

لقيت مابه شٍ من الشين ينعاب

- ابراهيم بن جعيثن