أشتاقلك شوقٍ يفوق التواصيف
أكبر من اللي ناوي لك أقوله
أشتاقلك والحب يكتب سواليف
يا غاية المشتاق عرضه وطوله
لك في حنايا الذات من دون تزييف
أعظم مكان فيه حاكم ودوله
ما شفت مثلك بين كل المواليف
ولا أحدٍ وصل حبك ولا أحد يطوله
فيني غلا إنسان من دون تحريف
شي من الله والمشاعر وفوله
تلعب بقلبي دون دفه وتجديف
وتاخذ حنينه والغلا والبطوله
فيك الوفى خصله ولاهي تصانيف
توفي بحبك والغلا في أصوله
أشتاقلك والشوق سوى سواليف
يا غاية المشتاق عرضه وطوله
- فهيد البقعاوي
