يا صبح خذني بين أياديك بارتاح
خذني على درب الشعور اترامى
خذ محجر عيوني وبدل به افراح
وشوف الحنين اللي ذبحني تسامى
اسأل خفوقي هو متى الهم ينزاح
واكتب تفاسير لإجابة علاما
منفاي عزف وفي مواويله صياح
وحدود صبري عن حدودي تعامى
ما لدت عيون المواني ولا ناح
غير السحايب لامطرت بي سهاما
والقاف يبحر والمعاني به جراح
والقلب يرقص بالجروح وتنامى
من ذاك عهد ومن سما المهتوي طاح
شوق الوفا، جمرة غضا بالدواما
ما بين غمرات الليالي ابجتاح
النور في وجه السنين النيامى
كفكفت مدي ما بعد جزري رياح
استوقفتني في طموحي صداما
يا صبح تكفى مابعد راحتك راح
وانا انتظر وعد المشاعر قياما
اباحتويني صفح وخلافي اصلاح
و اروي مداين بالأمل والسلاما
ياصبح علمني قبولك اذا باح
بالبس نياشين الجنود النشامى
بس روح قله هالجفا صنعة رماح
بعد وانا ارويني بروح الندامى
ياصبح عجل حلمي ان شاح أو لاح
جايع وله من مدتك ارتساما
الوجد وافي والظما بحضرتك زاح
بسكن عيونك عن عيون الأنامى
ياصبح خذني بين اياديك بارتاح
خذني على درب الحبايب غراما
- الشاعرة/ بوح حنين
