مسكين ياقلب هجوسه تلوفه
قلب تجرّع عاقد المر حالي
من سبت اللي كاملات وصوفه
اللي من أول حاسبه راس مالي
سيد الغنادر مابقلبه مروفه
مرتاح ماجرب صدوف الليالي
ياللي تطالع كل حي تشوفه
وأنا أحسبك يانور عيني حلالي
انا جرالي من غرامك كلوفه
دايم خيالك مايفارق خيالي
من أول اشكي له ويشكي ظروفه
وانا شكيت وقبلها قد شكا لي
واليوم من حبك نويت النكوفه
بلقا بدالك وانت تلقا بدالي
حسين العساف
