وينهم أحبابنا طال الغياب
وطالت الفرقى بلا ذنب وسبب
الغلا يسأل ولا عندي جواب
وينهم والعمر بايامي ذهب
واتصفح في عناوين الكتاب
واتجرع لوعة الماضي غصب
يالوداع المر ياملا الذهاب
ذكريات الامس طارت بالمهب
الجروح تنوح اشغلها العذاب
والألم حتى الألم يشكي تعب
والشقا يفتح معي مليون باب
مع مشاريه الجفا زاد العتب
انتظر والحال يكسيها ضباب
والجواب بداخلي يطحن غضب
وينهم مليت من ذكر الغياب
وطاري الفرقى على ادنى سبب
