منّا بنيت ومن هنيّا تهدمت

حالك يا انا من لبستي للعمامة

لخبطّتْ بالدنيا كثير وتندمت

يا رب لا تجعل مردي ندامة

أنت الأول بقلبي والقديم الجديد

في حنايا غرام الشوق ورعايته

بالغلا في عيوني كل لحظة تزيد

وبالمشاعر ملكت القلب ياغايته

ليل وخيال ودمعة تلثم الخد..

كيف اجتمع سعد الحياة ونكدها!

عقل وجنون وفتنة ما لها حد..

ما ادري لقيت الروح والا جسدها

هذا الجنون اللي ابحث عنه من فتره

لهفه وغيره وشوق وقلب يغليني

والا الهوى عارفه قبل البس الغتره

بالهم والدمع والهوجاس مشقيني

تمر الوجيه ويذكر ان الهوى غلاب

ولا همني فرز الوجيه وتقلّبها

لأن الهوى قد فاز به مترفٍ جذاب

بعد غيبته صنت المحبة وصاحبها