بعض المجالس يا عرب ما بها اوناس

غير السوالف والعلوم الردية

نحب مجلاس النشامى بلا قياس

فيها كتاب الله وسنة نبيه

علوم المعرفة والوفا ترفع الراس

مافيه لا غيبة ولا أية خطية

هاذي مجالس عز فخر ونوماس

يدور فيها الطيب والشاذلية

سوالف يطرب لها كل جلاس

تجمع رجال الطيب والمقدرية

تجلى عن النفس المشاكل والأتعاس

في خوة أهل الطيب وأهل الحمية

احرص عليها يا فتى الجود نبراس

لا احتجت فزعة فالليالي القسية

تلقى المعزة والمودة والإحساس

وقفة وفا ما من وراها جزية

واترك محلات البطالة والإفلاس

يعرف بها الرجال من هو خوية

أهدافها دايم مشارية وأدناس

وأهل النمايم يزرعون القضية

وللخير حراس وللشر حراس

بين البشر ما بين حسنة وسيه