ياللي غيابك دار له داير الحول

متى تعود يمنا بالسلامه

طولت غيباتك وأنا فيك مشغول

والقلب عن غيرك عديم اهتمامه

أصبحت من بعدك عن الناس معزول

كني صويبن ما تشيله عظامه

هل تعلم أني دائم أصول وأجول

وأخوض حربا مثل حرب الرغامه

ماهوب حرب رماح وسيوف وخيول

حرب الهموم اللي تجيب الندامه

خليتني فالوقت طايح ومشلول

وعليك مني كل يومن ملامه

لكن أخذ علمن على حق ووصول

توقيع من قاله وبصمة إبهامه

أما المحبة والمودة على طول

ولا الفراق اللي ليوم القيامه