حن قلبي حنت اللي ولدها في المراح
هجرعت بالصوت من حر ما في جوفها
دقه المغوار في ناحره والدم فاح
واحتداها الشبك والشر قام يلوفها
شايب جاه المسير وباغته الصباح
في التخاتخ عند ذوده ماغير يحوفها
ماتصده في الكرامه عواصيف الرياح
جعلها تسلم يمين تعز ضيوفها
وبركت ماعاد تبغي مجي ومراح
وعافت الماء وانطوت ماتبي مصروفها
من سمعها ماحصله تسلي ونشراح
كن بقعاء حضرت في حشاه ضروفها
من زمان هيض القاف واعلن لجتياح
اختلط حكم المصنف على مصنوفها
استوت روس العرب في التميز والنجاح
قامت العريف تزمي على معروفها
ارتفع سوق اليدين القصيره والشحاح
رشحوها سبة المال رغم صدوفها
والرجال اللي تعز المهند والرماح
اجهلوهايوم كل الرصيد سيوفها
عالمن ماتعرف الماء الهماج من القراح
ماتميز بين روس العرب ودلوفها
شف فلسطين الحبيبه تعزي ياصلاح
وأ?كيد ان العرب كل يوم تشوفها
لوصدح باالله اكبر بلال ابن رباح
مايناسب في عملها وعكس شفوفها
القلوب الغلف ماهيب تفقه للفلاح
كل شين في نحاء الجود غصب يطوفها
جعلهم فدوة راع الناقه اللي فالمراح
وجعلهم يفدون يمنى تعز ضيوفها
عبدالله بن حصين السبيعي
