هلا يا مرحبا يا حاكم زار القويعية
زيارة مخلص نسعد بها من صاحب الشاني
تراحيب (ن) من الأعماق يا زبن الجلاويه
أبو تركي ولد بندر أبوه بنجد سلطاني
ولد عبد العزيز أبو الوطن شرقه وغربية
موحدها من الرقعي الين حدود نجراني
هلا بالحر مع حر على يمناه في الهية
أبو عبد الله اللي والده في القلب سكاني
أبو متعب زعيم المملكة فخر السعودية
نجدد له ولانا مع ولي العهد سلماني
الآ ياسيدي للعرض جيت ونعم من جيه
هلا بك مرحباً واللي معك با أمير من داني
زيارتكم سوات الغيث للدار السناوية
تهنا به ربيب العرض من حضر وبدواني
تفقدكم لحاجات الوطن للطيب مارية
أجل تبنون باللي تقدرونه والله ألباني
إلى صارت يدين(ن) من طويل العمر بيديه
سواعد تجتمع يا سيدي عز للاوطاني
نجدد شكرنا واثن الزيارة وأعقد النية
اثركم في ديار العرض جت مسك (ن) وريحاني
هلا يا مرحبا يامير مربوعة ومثنية
نيابة عن بني خالد عدد همال الامزاني
وصلاة الله على المبعوث في الدار التهامية
محمد واله الأطهار واتباعه والاعواني
