مشاعر الأم جياشة والفارقة هنا تصور حالة وداع إنسانية..
قالت لي: ماما. قلت يا روح ماما
قالت: علي العيش يصعب بدونك
قلت: القدر يابنيتي مايلاما
انا ابي قربك وهم يبعدونك
بنيتي عطر النفل والخزاما
دنيا البراءة كلها في عيونك
شوفي سوات الحال عقبك عداما
والقلب فيني غارق من طعونك
خذوه قلبي والجسد والعظاما
بس يتركوني لك ولي يتركونك
قولوا: لهم تعذيب روحي حراما
كيف اقدروا من داخلي ينزعونك
كيف اهتنت عيونهم للمناما؟
وانتي نجوم الليل تبكي شجونك
أبي السلامة مير وين السلاما
جاروا بحكمي يوم هم ياخذونك
الفارقة
