أجمل هديّه منك ريّحت بالي

من حزن فرقا تفجع قلوب الأحباب

حتى إلى قالوا رحل عنك غالي

أقول ودّعته وهو حي ما غاب

أخذت حقك في قديم الليالي

ولا عاد لك عندي مطاليب وحساب

ما أقدر أمثّل ما يدور بخيالي

أبلغ من أحزان المحبين الأغراب

صعب البكا يكذب وصعب احتمالي

ياما رحل نومي عن ديار الأهداب

قبل أمس وأمس وما جرى بالتوالي

ما عاد خلَّى دمع في ناظرٍ شاب

اختارني حزني وحيدٍ لحالي

اصبح مثل ظلِّي ولو ما انقفل باب

لكن متى الغالي يعوّض بغالي

لا صار الأول ما يجي غيره احباب

الشاعر: عناد المطيري