تجارب مانع الوايلي تأتي بلغته الخاصة:
صاحبي والضيق ماوصل نديمه
غير هونها على قلبك،، وقلها،،
دام في صدري لضيقاتك عزيمه
والله آن آشلها،، لي قلت شلها
صاحبي والتجارب بي مقيمه
لو صغر سني عليها ماآغفلها
حجموني العالم العمي العديمه
وماحسبت لصعبها ولا سهلها
ماخذٍ من كل صكاتي غنيمه
وكل مادار الزمان آخذ مثلّها
لين صارت في عيوني كل غيمه
عارف اللي بعدها، واللي قبلّها
وعارف لهذا مقام، وذآك قيمه
وفرقها ماهو بها، بوجيه آهلها
وعارفٍ لو كل طقه، بتعلِيمه!
كان صار الناس فـ الغالب مثلها
الآمور اللي عواقبها وخيمه
غلطت اللي في بدايتها جهلها..!!
- مانع الوايلي
