لا باس يا قلبي ليا ضقت لا باس

كم لك على الضيقات ما جنّبت عنك

عوّدتني صبرك ولو كنت حساس

لو كان همك من ردى الحظ موطنك

ما يشتكي للناس من يعرف الناس

كم مشتكٍ للناس لو شفته احزنك

والغايب اللي مقفي اقفاية دباس

ليته بعد تلّ المعاليق يحظنك

هذي معاليقك من الشوق يبّاس

خلاك وهمومك مع أيسرك وأيمنك

همك بحر يوم البحر صعب ينقاس

وما ضاع من هم المخاليق يزبنك

ما عاد فيني حيل يا عذب الانفاس

انا دخيل الحب مع طيب معدنك

عشر وثلاث شهور صايبني عماس

ما عاد شفتك عقب ما كنت أعاينك

الحزن شفني غارقٍ فيه للراس

ارحم رحمك اللي من الطين كونك

وان غبت عني فدوتك كل هالناس

بأجمع رفاتك يا أصدق الحب وادفنك

الشاعر: عبدالله بن غازي