بطاقة

أنا هذا الحضور اللي غيابه ما عرف يلقاه

وأنا ذاك الغياب.. اللي حضوره ما عرف وينه

أنا ذاك البعيد اللي يموت..! ولا يعيش أقصاه

وأنا هذا القريب اللي مبعثر بينه وبينه

حبة خال

لو القمر ما يصير هلال

لا اقول هذا القمر جاني

ولو ان للشمس (حبة خال)

لاموت والشمس تصلاني

بين وبين

يا طعون الليالي.. طال ليل الوقوف

لاعتقتن قتيل.. ولاذبحتن صويب!

بين عثرة خويّ.. وبين طعنة هنوف

رمح الاوجاع فيني كثر ما اخطى مصيب

سكّر

غادتي يا غادتي يا غادتي

والله ان اللي تسوينه حرام

صبي لسكر حلاك زيادتي

يا حلو طعم الرضا بعد الخصام