الله يعوضني عن اللي مضالي
باللي لقيته من هموم وغرابيل
راحت بي الدنيا جنوب وشمالي
وازريت ما القى للهموم التفاصيل
الوقت عناني وطول الليالي
والصدر ضايق من زمان التهاويل
وين الرفيق اللي يشيل الثقالي
اللي مضاله صيت بين المشاكيل
رجل يخاويني وبالحمل شالي
دايم معي ما هوب قاطع مواصيل
سمح النبا مافيه شك وجدالي
طيب وله بين المخاليق تفضيل
رايه سديد ومن زحول الرجالي
رمز الفخر والطيب زين التماثيل
هذا الرفيق اللي رقى بالمعالي
ولا الردي دايم ردي المحاصيل
نواف بن محمد الصخابره
