نحمد اللّي عليمٍ بالخفا والسراير

بآخر الوسم شفنا البرق شعشع وناض

والمطر هل واحيا الأرض واحيا الضماير

ورويت ارض الجزيرة وامتلن الفياض

عامٍ أقفى وعامٍ جا يسوق البشاير

للعطاشا وخير الله على الناس فاض

أشهد إنه ماهو وقت الفلل والعماير

يوم بالي تهنا والخفوق استهاض

وزان بدع القصايد بالبيوت النظاير

مثل ما زان عقب السيل صبح الرياض

وطاب كيف الكريم اللي يعشق الخساير

عن سموم القوايل في الربيع استعاض

وصارن هموم من كبرت همومه صغاير

وهانت الكايده هي والأمور العراض